Yarim himoyachi Anxel Di Mariya faoliyatini Portugaliyada davom ettirishga yaqin turibdi, deya xabar beradi jurnalist Fabrisio Romano.
Manbaga ko‘ra, 35 yoshli argentinalik futbolchiga "Benfika" da’vogarlik qilmoqda. Shartnoma 2024 yilning yoziga qadar amal qiladi. Yarim himoyachi 2007 yildan 2010 yilgacha Lissabon klubida o‘ynagan.
6 iyun kuni yarim himoyachi "Yuventus"ni tark etishini elon qildi. Di Mariya klubda 2022 yildan buyon to‘p tepib kelayotgandi. U o‘tgan mavsumda barcha turnirlarda 40 ta o‘yinda maydonga tushib, 8 ta gol urdi va 7 ta golli uzatmani amalga oshirdi.