"Бавария" ярим ҳимоячиси Райан Гравенберх ўйин вақтидан норози эканини айтди.
"Ўтган мавсумда "Бавария"да кўпроқ ўйнашни кутгандим, кўпроқ имкониятларга эга бўламан деб ўйлагандим", - дея Гравенберх сўзларини келтиради ESPN . — Айниқса, ёшимни ҳисобга олиб, кўпроқ ўйин амалиёти олмоқчиман. Умид қиламанки, бу "Бавария"да содир бўлади, акс ҳолда биз бошқа клуб излашга мажбур бўламиз".
Гравенберх 2022 йилнинг ёзида "Аякс"дан "Бавария"га ўтган эди. 21 ёшли нидерландияликнинг шартномаси 2027 йилнинг 30 июнига қадар мўлжалланган. Transfermarkt портали футболчининг нархини 30 миллион еврога баҳоламоқда.
2022/23 йилги мавсумда Гравенберх барча турнирларда 33 та ўйинда майдонга тушиб, 1 та гол ва 1 та голли узатмани амалга оширди.
