Ҳужумкор ярим ҳимоячи Анхел ди Мария Португалия чемпионатига ўтади.
Record нашрининг хабарига кўра, 35 ёшли вингернинг янги иш клуби Лиссабоннинг "Бенфика" жамоаси бўлади. Томонлар музокаралар олиб борди ва бир йиллик шартнома имзолашга келишиб олди.
Музокараларда Анхелнинг терма жамоадаги шериги ҳисобланган “бургутлар” ҳимоячиси Николас Отаменди муҳим омил бўлди.
Шу ой бошида ди Мария Туриннинг "Ювентус" клубини тарк этишини эълон қилди. Ўтган мавсумда аргентиналик футболчи "кекса синьора" учун 40 та жангда қатнашиб, 8 та гол ва 7 та голли узатмани амалга оширган.
