"Реал"нинг собиқ футболчиси Гарет Бэйл "қироллик" клубининг ҳар бир мағлубиятига жамоатчиликнинг кескин муносабати борасида гапирди.
"Агар "Реал" ютқазса, бу ортиқча резонанс бериб юборади. Мухлислар сизни дарҳол хочга михлашни бошлайдилар, сиз тушкунликка тушасиз.
Эсимда, 2018 йилги Чемпионлар лигаси финали олдидан барчамиз жуда ёмон ухлагандик, жуда хавотирда эдик.
Аммо биз ғалаба учун майдонга чиқдик, гарчи ўшанда рақиб биздан яхшироқ ўйнаган бўлса ҳам", - деди Бэйл.
Эслатиб ўтамиз, Бэйл 2013 йилдан 2022 йилгача Мадрид клубида ўйнаган. Гарет "қаймоқранглилар" билан биргаликда беш марта Чемпионлар лигасида ғолиб чиқди ва уч марта Испания чемпиони бўлди.
