Ўтган йили “Челси”ни сотиб олган Clearlake Capital консорсиуми Франциянинг “Страсбург” клуби акциядори бўлиш бўйича келишувга эришди.
“Бугунги келишув "Страсбург" тарихида янги саҳифани бошлайди. Clearlake Capital консорциуми раҳбарлари Марк Келлер бошлаган лойиҳанинг давоми сифатида клубимиз, шу жумладан, асосий жамоа ва академиянинг ўсишига барқарор сармоя киритишга содиқдирлар, у ҳозирги бошқарув жамоасини бошқарган ҳолда клуб президенти бўлиб қолади. Бу ҳақда клуб баёнотида айтилган.
Келишув тафсилотлари ошкор этилмади, бироқ The Guardian хабарига кўра, консорсиум 75 миллион евро тўлаб, деярли 100 фоиз акцияларга эгалик қилади.
"Челси" ўтган йили Роман Абрамович клубни сотганидан кейин Тодд Боэли ва Clearlake Capital бошчилигидаги сармоявий гуруҳ томонидан сотиб олинган эди.
