"Аякс" ҳимоячиси Юрриен Тимбер фаолиятини "Арсенал"да давом эттирмоқчи, дея хабар беради De Telegraaf.
Манбага кўра, 22 ёшли нидерландиялик футболчи "Арсенал"га ўтишни орзу қилади, шунинг учун Лондон клуби унинг устувор варианти бўлиб қолмоқда. У "Бавария"га ўтишга унчалик қизиқмаяпти, мюнхенликлар ҳам ҳимоячига қизиқиш билдирмоқда.
Тимбер ўтган мавсумда “Аякс” сафида барча турнирлар доирасида 47 та ўйинда майдонга тушиб, 2 та гол урди ва 2 та голли узатмани амалга оширди. Transfermarkt портали унинг нархини 42 миллион еврога баҳоламоқда.