Мадриднинг “Атлетико” клуби “Сельта” ҳимоячиси Хави Галаннинг трансфери борасида келишувга эришди, дея хабар беради журналист Николо Скира.
Мадрид клуби 28 ёшли испаниялик учун 5 миллион евро тўлайди. Шартномада фаолиятини Виго клубида давом эттирадиган ҳимоячи Ману Санчес ҳам бўлади.
Хави Галан 2021 йилнинг июлидан буён "Сельта Виго" сафида тўп суради. 2022/23 йилги мавсумда футболчи 40 та ўйинда 1 та гол урди ва 4 та голли узатмани амалга оширди.
Transfermarkt.com портали футболчининг нархини 12 миллион еврога баҳоламоқда.