Madridning “Atletiko” klubi “Selta” himoyachisi Xavi Galanning transferi borasida kelishuvga erishdi, deya xabar beradi jurnalist Nikolo Skira.
Madrid klubi 28 yoshli ispaniyalik uchun 5 million yevro to‘laydi. Shartnomada faoliyatini Vigo klubida davom ettiradigan himoyachi Manu Sanches ham bo‘ladi.
Xavi Galan 2021 yilning iyulidan buyon "Selta Vigo" safida to‘p suradi. 2022/23 yilgi mavsumda futbolchi 40 ta o‘yinda 1 ta gol urdi va 4 ta golli uzatmani amalga oshirdi.
Transfermarkt.com portali futbolchining narxini 12 million yevroga baholamoqda.