Кўплаб футболчилар бутсаларини деворга илиши билан мураббийлик қилади ёки соҳа мутахассиси сифатида ишлай бошлайди. Айримлар ўзларини актёрликда ҳам синаб кўрар экан. Телешоулардан тортиб, сериали филмларгача, йиллар давомида кўплаб футболчилар уларда иштирок этиб келмоқда. Қуйида уларнинг энг машҳурларини йиғдик. Уларнинг бир қисми ҳали ҳам футболчилик қилса, қолганлари аллақачон фаолиятини якунлаган ёки вафот этган.
Лионель Месси
Бу дунёда у эплай олмайдиган иш борми ўзи? Ҳозир Месси олдингига қараганда янада мукаммалашди. Чунки футболчи соҳадан бошқа жойларда ҳам ўзини синаб кўра бошлади. Лионель Месси аргентиналиклар томонидан ишланган "Los Protectores" (ҳимоячилар) комедик-драмасида кўриниш берган. Кўришни тавсия қиламиз.
Дэвид Бекхэм
Бекхэм футболдан ташқаридаги соҳалар, хусусан, бизнесда муваффақият қозонган. Аммо рол ўйнашдачи? Унчалик ҳам эмас. Афсонавий собиқ футболчи кўплаб телешоуларда иштирок этган. Унинг илк тўлиқ метражли филмда рол ижро этиши 2017 йилга тўғри келади. Ўшанда Бекхэм "Қирол Артур: қилич афсонаси" филмида қатнашганди. Кўпчилик томошабинлар бу чиқишни танқид остига олганди.
Неймар
Бразилия супер-юлдузи 2019 йилда илк марта испаниялик киноижодкорлар томонидан ишланган "Пул ӯғрилари" номли криминал-драмада қатнашади. Кинода Неймар томонидан ишлатилган "Мен футбол ва байрамларни ёқтирмайман" жумласига эътибор берган бўлсангиз, ўзингизни кулгидан тўхтата олмайсиз.
Пеле
Бразилиялик афсона камерадан уяладиган инсон эмасди. Пеле фаолиятини тугатишга яқин қолган йилларида бир нечта киноларда қатнашади. Улар ичида "Ғалабадан қочиш"(1981, тепада) ва "Кичик мўжиза" филмларини алоҳида таъкидлаш жоиз. Улар абадий ёдимизда қолади.
Тьерри Анри
Анри ўзининг CBS каналидаги мухбирлиги билан ҳамманинг эътиборида бўлиб келмоқда. Собиқ футболчи фақатгина шу билан чекланмайди. У 1999 йилларда француз комедиясида рол ўйнаган.
Иан Райт
"Арсенал" афсонаси йиллар давомида бир нечта лойиҳаларда қатнашиб келмоқда. Райт "Ted Lasso" филмида кўриниш берган. Шунингдек, премьераси кутилаётган Даниэль Калууянинг "Ошхона" филмида ҳам унинг иштироки мавжуд. Кутиб қоламиз...
Оливе Жиру
https://twitter.com/i/status/1063089288420704261
36 ёшида ҳам голлар уришдан чарчамаётган қаҳрамонимиз, футбол ўйнашдан бошқа ишларни ҳам яхши эплайди. Хусусан, у 2018 йилда "Ўргимчак одам" филмида яшил гоблин образини гавдалантириб, унга овоз берганди. Ўша пайтда ҳужумчи "Челси" футболчиси эди.
ИСМАТОВ Ж.
