"Барселона" ўйинчиларни рўйхатдан ўтказиш учун Ла Лигага молиявий кафолатлар беради.
Эслатиб ўтамиз, "Барселона" ҳозирда харажатлар чегарасидан 6 миллион еврога ошиб кетган. Футболчиларнинг шартномаларини расмийлаштириш учун клуб кафолат бериши керак эди.
28 июнь куни бўлиб ўтган йиғилишда “Барселона” директорлар кенгаши 6 июнь куни тасдиқланган режани амалга ошириш учун Ла Лигага 6,67 миллион евро кафолат беришга рози бўлди. Кафолатлар 2023/24 йилги мавсум охиригача амал қилади.
Натижада, "Барселона" Гави, Рональд Араухо, Маркос Алонсо, Серхи Роберто ва Иньяки Пеньяни рўйхатдан ўтказиши мумкин бўлади. Рўйхатдан ўтиш 1 июлдан бошлаб амалга оширилади.
