"Лестер"дан Бирмингем клубига ўтган "Астон Вилла"нинг янги футболчиси Юри Тилеманс ўз танловини тушунтирди.
Бельгиялик футболчининг сўзларига кўра, Унаи Эмери уни "Астон Вилла"га ўтишга кўндирган.
"Унинг амбициялари, иштиёқи ва жамоани бошқариш усули мени ҳайратда қолдирди ва мени "Астон Вилла"га ўтишга мажбур қилди", - деди Тилеманс Euro Foot билан суҳбатда.
Тилеманс ўтган мавсумда “Лестер” сафида 37 та ўйинда майдонга тушиб, 4 та гол урди ва 2 та голли узатмани амалга оширди. Transfermarkt портали Бельгия терма жамоаси футболчисини 25 миллион еврога баҳоламоқда, бироқ у "Астон Вилла"га текинга ўтди.