"Ювентус" ярим ҳимоячиси Пол Погба Саудия Арабистонига ўтиш ниятида эмас.
"Кекса синьора" ёзги трансфер ойнасида франциялик футболчини сотишга тайёрлиги ҳақида миш-мишлар юрибди, бироқ футболчининг ўзи кетишни истамаяпти.
Инсайдер Жанлука ди Марционинг маълум қилишича, Погбага Саудия Арабистони клубларидан таклифлар бўлган, бироқ у бу таклифларни рад этган. "Ювентус" 30 ёшли ярим ҳимоячига, агар у клубда қолишни истаса, маошини камайтиришни таклиф қилиши мумкин.
Пол Погбанинг туринликлар билан шартномаси 2026 йилгача мўлжалланган. Футболчи ўтган мавсумнинг кўп қисмида жароҳат олган, барча мусобақаларда ўнта учрашувда майдонга тушган.
