"Интер" бош директори Жузеппе Маротта клуб "Челси" ҳимоячиси Сезар Аспиликуэта билан таркибни кучайтиришга умид қилганини тан олди.
Бир неча кун олдин 33 ёшли испаниялик футболчи "Интер"га ўтишга оғзаки рози бўлганди, бироқ жума куни футболчи "Атлетико"га ўтаётгани маълум бўлди.
"Яширмайман, Аспиликуэта ўзининг техник маълумотлари, шахсий фазилатлари ва етакчилик характери билан бизни жуда ўзига тортди, аммо у Испаниядан таклиф олди ва бу уни васвасага солди", - деди Маротта Sky Sport нашрига.
Фабрицио Романонинг сўзларига кўра, Сезар Аспиликуэта "Атлетико" билан икки йиллик шартнома имзолайди.
