"Барселона" спорт директори Деку "Фенербахче" ярим ҳимоячиси Арда Гюлер билан жамоага ўтиш борасида принципиал келишувга эришди. Бу ҳақда журналист Жерар Ромеро хабар бермоқда.

Молиявий муаммолар туфайли "Барселона" футболчини жорий трансфер ойнасида қўлга кирита олмайди, шу боис трансферни 2024 йилга белгилаган. Клуб келаси ҳафта "Фенербахче" билан музокараларга тайёр бўлиш учун молиявий масалалар устида ишламоқда.

Аввалроқ Гюлер Деку билан учрашувдан унчалик таассурот қолдирмагани ва Мадриднинг "Реал" клубида ўйнашни хоҳлаётгани ҳақида хабар берилганди. 18 ёшли футболчи ўз авлодининг энг истиқболли истеъдодларидан бири сифатида эътироф этилган ва кўплаб топ-клублар уни сотиб олмоқчи.