"Парма" дарвозабони Жанлуижи Буффон Саудия Арабистонига ўтишни рад этди.
La Gazette Dello Sport хабарига кўра, 45 ёшли италиялик футболчи фаолиятини якунлаш ҳақида ўйламоқда, МЛС ёки Саудия лигасига ўтиш футболчининг режаларида эмас.
Аввалроқ Саудия клуби Буффонга йилига 15 миллион евро маош билан 2025 йилгача шартнома таклиф қилгани хабар қилинганди.
Жанлуижи Буффон ўтган мавсумда барча мусобақаларда 19 та ўйинда майдонга тушиб, 24 та гол ўтказиб юборган ва 5 марта ўз дарвозаси дахлсизлигини сақлаб қолган.