Вингер Уильфрид Заха "Кристал Пэлас" билан шартномаси тугаганидан кейин эркин агент сифатида қолмоқда.
Ўтган ойда ивуарлик футболчи "Ан-Наср"га ўтишни рад этгани ҳақида хабар пайдо бўлди, аммо келишув ҳали ҳам амалга ошиши мумкин. Саудия Арабистони клуби 30 ёшли футболчи учун Италиянинг “Лацио” ва Туркиянинг “Фенербахче” клублари билан рақобатлашмоқда, деб хабар бермоқда Sky Sports нашри. Учала клуб ҳам мақбул таклифлар билан чиқишди, энди фақат якуний танлов Захада қолди.
Уильфрид Заха Премьер-лигада 305 та ўйинда майдонга тушиб, 68 та гол ва 43 та голли узатмани амалга оширган. Ўтган мавсумда у АПЛнинг 27 ўйинида 7 та гол урди ва 2 та голли узатмани амалга оширди.
