Vinger Uilfrid Zaxa "Kristal Pelas" bilan shartnomasi tugaganidan keyin erkin agent sifatida qolmoqda.
O‘tgan oyda ivuarlik futbolchi "An-Nasr"ga o‘tishni rad etgani haqida xabar paydo bo‘ldi, ammo kelishuv hali ham amalga oshishi mumkin. Saudiya Arabistoni klubi 30 yoshli futbolchi uchun Italiyaning “Lasio” va Turkiyaning “Fenerbaxche” klublari bilan raqobatlashmoqda, deb xabar bermoqda Sky Sports nashri. Uchala klub ham maqbul takliflar bilan chiqishdi, endi faqat yakuniy tanlov Zaxada qoldi.
Uilfrid Zaxa Premyer-ligada 305 ta o‘yinda maydonga tushib, 68 ta gol va 43 ta golli uzatmani amalga oshirgan. O‘tgan mavsumda u APLning 27 o‘yinida 7 ta gol urdi va 2 ta golli uzatmani amalga oshirdi.
