"Манчестер Юнайтед" "Интер" дарвозабони Андре Онананинг трансфери борасида оптимистик фикрда. Футболчи Италия клубини тарк этишга яқин турибди. Миланликлар камерунлик посбон ўрнига дарвозабон қидирмоқда, "Аталанта" дарвозабони Марко Карнесекки эса номзодлардан бири, деб хабар беради Football Italia.
Карнесекки ўтган мавсумни "Кремонезе"да ижарада ўтказди ва 30 июнь куни "Аталанта"га қайтди. 23 ёшли италиялик дарвозабон Transfermarkt томонидан 13 миллион еврога баҳоланган. Унинг “Аталанта” билан шартномаси 2026 йилнинг 30 июнига қадар мўлжалланган.
Эслатиб ўтамиз, аввалроқ “Манчестер Юнайтед” “Интер”га дарвозабон Андре Онана трансфери бўйича биринчи таклиф билан чиққани, бироқ у рад этилгани ҳақида хабар берилганди.
