"Ювентус" ярим ҳимоячиси Артур Мело Турин клубида бирга ўйнаган Криштиану Роналду ҳақида гапирди.
"Роналду ҳам спортчи, ҳам шахс сифатида ажойиб. У ҳар куни яхшиланишга ҳаракат қилади. "Ювентус" ошхонасида у бизнинг тарелкаларимизга қараганини, овқат қолдиқларига қараганини ва биз нима еяётганимиз ҳақида ҳазиллашганини эслайман. У жуда профессионал. Бундай руҳиятга эга одамни ҳеч қачон учратмаганман”, - деди Артур Mundo Deportivo билан суҳбатда.
2022/2023 йилги мавсумда Артур Мело "Ливерпул"да ижара асосида ўйнади. Криштиану Роналду эса 2023 йил бошидан буён Саудия Арабистонининг "Ан-Наср" жамоасида ўйнамоқда.
