"Лион" ёзги трансферлар ойнасида таркибини кучайтирмоқчи.

TodoFichaes хабарига кўра, Лига 1 клуби "Севилья"дан ҳимоячи Гонсало Монтиэлни ўз сафига қўшиб олмоқчи. Испания клуби молиявий аҳволини инобатга олган ҳолда музокараларга очиқ.

Монтиэль ЖЧ-2022 (Аргентина – Франция) ва 2023 йилги Европа Лигаси (“Севиля” – “Рома”) финалида ҳал қилувчи пенальтиларни тепиши билан танилганди.

Нуфузли transfermarkt портали мутахассислари 26 ёшли аргентиналик футболчини 12 миллион еврога баҳоламоқда.

Эслатиб ўтамиз, "Лион" Франция чемпионатининг сўнгги мавсумида еттинчи ўринни эгаллаб, еврокубокларга чиқа олмаганди.