"Бавария" "Тоттенхэм" ҳужумчиси Харри Кейнни сотиб олишдан умидвор.

ОАВда тарқалган баъзи хабарларга кўра, 29 ёшли футболчи ёзда "Бавария"га ўтишга тайёр. "Тоттенхэм" ҳали ҳам ҳужумчини "дахлсиз" деб ҳисоблайди ва ҳар қандай клуб билан сотиш бўйича музокаралар ўтказишдан бош тортади, аммо "Бавария" оптимистлигича қолмоқда, деб хабар беради Sky Sports.

Қайд этилишича, Кейн аллақачон хориж чемпионатларида тўп тепаётган инглиз футболчилари – Фикайо Томори (“Милан”) ва Тэмми Абрахам (“Рома”) билан маслаҳатлашган. Кубокларни ютиш истаги "шпорлар" юлдузини Мюнхенга кўчиб ўтишга ундаши мумкин.