"Челси" яқин кунларда "Брайтон" ярим ҳимоячиси Мойсес Кайседонинг трансферини якунлашга умид қилмоқда. The Secret Scout нашрининг қайд этишича, “аристократлар” эквадорлик футболчини 19 июлда бошланадиган АҚШда мавсумолди сафари бошланишидан олдин қўлга киритмоқчи.
Манбанинг таъкидлашича, клублар ҳозирда келишув тузилиши бўйича музокаралар олиб бормоқда. Аввалроқ трансфернинг умумий суммаси бонусларни ҳисобга олган ҳолда 100 миллион еврога етиши мумкинлиги ҳақида хабар берилганди.
Эслатиб ўтамиз, Кайседо аллақачон "Челси" билан шахсий шартнома борасида келишиб олган. Эквадор терма жамоаси футболчисига лондонликлар бош мураббийи Маурисио Почеттино тақдим этган лойиҳа катта таассурот қолдирди.
