"Chelsi" yaqin kunlarda "Brayton" yarim himoyachisi Moyses Kaysedoning transferini yakunlashga umid qilmoqda. The Secret Scout nashrining qayd etishicha, “aristokratlar” ekvadorlik futbolchini 19 iyulda boshlanadigan AQSHda mavsumoldi safari boshlanishidan oldin qo‘lga kiritmoqchi.
Manbaning ta’kidlashicha, klublar hozirda kelishuv tuzilishi bo‘yicha muzokaralar olib bormoqda. Avvalroq transferning umumiy summasi bonuslarni hisobga olgan holda 100 million yevroga yetishi mumkinligi haqida xabar berilgandi.
Eslatib o‘tamiz, Kaysedo allaqachon "Chelsi" bilan shaxsiy shartnoma borasida kelishib olgan. Ekvador terma jamoasi futbolchisiga londonliklar bosh murabbiyi Maurisio Pochettino taqdim etgan loyiha katta taassurot qoldirdi.
