«Barselona» markaziy himoyachisi Andreas Kristensen, dastlabki rad javobiga qaramay, klubda qolishi mumkin. Daniyalik futbolchi «ko‘k-anorranglilar»ning mehnat shartnomasini uzaytirish bo‘yicha birinchi taklifini rad etdi — uni taklif qilingan shartlar qoniqtirmadi. Shu bilan birga, jurnalist Roxer Torelloning xabar berishicha, 30 yoshli futbolchi hamon klubda qolishni afzal ko‘rmoqda va uning agenti tez orada Kataloniya grandi bilan yangi muzokaralar o‘tkazadi.
Kristensenning «Barselona» bilan amaldagi shartnomasi joriy mavsum yakunida o‘z nihoyasiga yetadi. Jarohatlar tufayli futbolchi Xans-Diter Flik jamoasining ushbu mavsumdagi o‘yinlaridan faqat 17 tasida maydonga tushdi va bitta gol muallifiga aylandi.
