Кеча Россия чемпионати 13-турининг марказий ўйинида "Анжи" "Рубин"га имкониятни бой берди (1:2). Одил Аҳмедов ўйин қайдномасига киритилган бўлса-да, майдонга тушмади. Ўйиндан кейинги матбуот анжуманида махачқалъаликлар бош мураббийи Гус Хиддинк қуйидагиларни таъкидлади:

— Биз ўйинннинг дастлабки 20 дақиқасида имкониятни бой бердик. "Рубин" - тажрибали жамоа. Бу жамоа билан биринчи дақиқадан бошлаб ўйнаш керак. Агар ўйинни муваффақиятсиз бошласангиз, бу ўлим билан баравар. Биз яккакурашларда ёмон ҳаракат қилдик ва гол ўтказиб юбордик. Голдан кейин жамоа ўзини йўқотиб қўймагани мени хурсанд қилди. Иккинчи бўлимда гол уриш камроқ вазиятлар яратдик, фақат ўйининг сўнгги 5 дақиқасида ўйинни қутқариш учун Самба олдинга ўтган вазиятни инобатга олмаганда.

— Жамоанинг етакчи таянч ярим ҳимоячилари — Жусилей, Диарра ва Аҳмедовнинг йўқлиги — кетма-кет иккита мағлубиятнинг бош сабабими?
— Ҳақиқатан ҳам уларнинг ўрни билиняпти. Лекин нолиш ва баҳона қидириш — менга тўғри келмади. Мағлубиятнинг сабаби — муваффақиятсиз старт ва вазиятлардан фойдалана олмаслик, етакчи футболчиларнинг йўқлиги эмас. Гарчи эксперимент қилишга тўғри келса-да, биз майдонга 11 киши бўлиб тушдик. Мақсадимиз — йилни юқори 3-4 жамоа орасида якунлаш. Шунда чемпионатнинг мартда бошланадиган қисмини ишонч билан ўтказа оламиз.