"Селтик" ҳужумчиси Дейзен Маэда Шотландия клуби билан янги 4 йиллик шартнома имзолади.

“Бу мен ва оилам учун жуда бахтли лаҳза. Биз Япониядан кўчиб келганимиздан бери клубдаги ҳамма ва албатта мухлислар ажойиб бўлишди ва биз Шотландияда ҳаётдан завқланамиз. "Селтик" жуда ўзига хос клуб, шунинг учун мен бу ердаги шартномамни узайтирганимдан жуда хурсандман. Шартномани имзолаганимда якуний мақсадим лигада ғолиб чиқиш эканлигини айтдим ва биз бунга аллақачон икки марта эришдик”, - дейди Маэда.

25 ёшли япониялик футболчи 2022 йилнинг январидан буён “Селтик” сафида ўйнайди. У 71 учрашувда 19 та гол урди ва 12 та голли узатмани амалга оширди.