Бир неча кун олдин "ПСЖ" президенти Носир ал-Хелайфи Килиан Мбаппе яқин ҳафталарда албатта шартномасини янгилаши кераклигини айтди.

Акс ҳолда клуб ҳужумчини бир йил ичида текинга қўлдан чиқармаслик учун сотади.

ESPN манбаларига кўра, трансфер таҳдиди Мбаппенинг позициясига ҳеч қандай таъсир кўрсатмаган - футболчи ҳалигача шартномани узайтириш ниятида эмас.

Қайд этилишича, ҳужумчи ал-Хелайфининг оммавий ультиматумига қарамай, хотиржамликни сақлаб турибди.

Килиан Мбаппенинг "ПСЖ" билан амалдаги шартномаси 2024 йилнинг июнь ойи охиригача амал қилади. Миш-мишлар футболчини "Реал" билан боғлайди.