"ПСЖ" ҳужумчиси Килиан Мбаппе келаси йили "Реал"га ўтишни режалаштирган.
Парижликлар етакчиси клуб талабига қарамай, ҳали ҳам шартномани узайтириш ниятида эмас. Журналист Артур Перротнинг сўзларига кўра, парижликлар Мбаппе "Реал" сафига келаси мавсум охирида эркин агент сифатида ўтишини тахмин қилмоқда. Шунга қарамай, Лига 1 гранди раҳбарияти ҳали ҳам вазиятни ўзгартириш ва 24 ёшли ҳужумчини кўндириш имкониятига ишонади.
Кўплаб миш-мишларга кўра, "ПСЖ" Килиан Мбаппени жорий трансфер ойнасида 200 миллион еврога сотишга тайёр, аммо "Реал Мадрид" бундай суммани тўламоқчи эмас.
