"Манчестер Юнайтед" ва "Аталанта" ҳужумчи Расмус Хойлунднинг трансфер нархи борасида ҳозирча келиша олмади.

Аввалроқ 20 ёшли футболчи "қизил иблислар" томонидан марказий ҳужумчи позицияси учун асосий мақсад сифатида белгилангани ҳақида хабар берилганди. Инсайдер Николо Скиранинг сўзларига кўра, инглиз гиганти Хёйлунд учун биринчи расмий таклифни билдирган, бироқ “Аталанта” уни рад этган. "Манчестер Юнайтед" даниялик учун 40 миллион евро тўлашга тайёр эди, бергамоликлар эса бундан ҳам кўпроқ — 60 миллион сўрамоқда.

Расмус Хойлунд Transfermarkt маълумотларига кўра 45 млн еврога баҳоланган.