“Челси” ҳужумчиси Ромелу Лукаку тез орада “Интер”га қайтиши мумкин.
"Нерадзуррилар" лондонликлар билан бельгиялик футболчининг трансфери шартлари бўйича келишувга яқинлашмоқда - гап сотиб олиш мажбурияти билан ижара ҳақида кетмоқда. La Gazette Dello Sport хабарига кўра, "Интер" келишув келаси ҳафта охиригача якунланишини кутмоқда. Агар ҳаммаси режадагидек кетса, 30 ёшли форвард 16 июлгача Симоне Индзаги жамоасига қайтади.
Эслатиб ўтамиз, Ромелу Лукаку аллақачон "Интер" билан шахсий ҳамкорлик шартларини келишиб олган. Футболчи фаолиятини Милан клубида давом эттирмоқчи эканлигини омма олдида тан олди.
