"ПСЖ" ҳозирги таркибнинг катта қисмининг кетишини билдиради.
Яқинда парижликлар бош мураббийини алмаштириб, ишдан бўшатилган Кристоф Галтье ўрнига Луис Энрикени тайинлашди. Қайта қуришдаги навбатдаги қадам, L'Equipe хабарига кўра, ўйинчиларни кўпини сотиш бўлиши мумкин. Манбага кўра, клуб зудлик билан 11 нафар футболчини сотувга қўяди: Леандро Паредес, Мауро Икарди, Юлиан Дракслер, Кейлор Навас, Абду Диалло, Хуан Бернат, Колин Дагба, Левен Курзава, Уго Экитике, Жоржиньо Вейналдум ва Тимоте Пембеле.
Эслатиб ўтамиз, ёзги трансфер ойнаси очилгандан буён "ПСЖ" Мануэл Угарте, Марко Асенсио ва Милан Шкриньяр трансферларини якунлашга муваффақ бўлди.
