"Барселона" "Жирона" билан ярим ҳимоячи Ориол Ромеуни 8 миллион евро эвазига сотиб олиш борасида келишувга эришмоқчи.
"Кўк-анорранглилар" тарбияланувчиси бўлган 32 ёшли футболчи жамоа билан икки йиллик шартнома имзолайди. Келишув келаси ҳафта якунланади. Бу ҳақда Sport.es нашри хабар бермоқда.
Ориол Ромеу ўтган мавсумда ўз жамоасининг асосий ўйинчиси бўлиб, жамоа сафида 33 та ўйинда майдонга тушди ва 2 та гол урди. Ромеунинг "Жирона" билан шартномаси 2025 йилнинг ёзида якунига етади. Transfermarkt портали ярим ҳимоячининг нархи 5 миллион еврога баҳоламоқда.
Эслатиб ўтамиз, Ромеу 2010 йилдан 2011 йилгача "Барса"да ўйнаган. У каталонияликлар тарбияланувчиси ҳисобланади. Аввалроқ “Барселона” “Ан-Наср”га жўнаб кетган “Интер” ярим ҳимоячиси Марсело Брозовични қўлга кирита олмагани учун бор эътиборини Ромеу трансферига қаратганди.
