"Barselona" "Jirona" bilan yarim himoyachi Oriol Romeuni 8 million yevro evaziga sotib olish borasida kelishuvga erishmoqchi.

"Ko‘k-anorranglilar" tarbiyalanuvchisi bo‘lgan 32 yoshli futbolchi jamoa bilan ikki yillik shartnoma imzolaydi. Kelishuv kelasi hafta yakunlanadi. Bu haqda Sport.es nashri xabar bermoqda.

Oriol Romeu o‘tgan mavsumda o‘z jamoasining asosiy o‘yinchisi bo‘lib, jamoa safida 33 ta o‘yinda maydonga tushdi va 2 ta gol urdi. Romeuning "Jirona" bilan shartnomasi 2025 yilning yozida yakuniga yetadi. Transfermarkt portali yarim himoyachining narxi 5 million yevroga baholamoqda.

Eslatib o‘tamiz, Romeu 2010 yildan 2011 yilgacha "Barsa"da o‘ynagan. U kataloniyaliklar tarbiyalanuvchisi hisoblanadi. Avvalroq “Barselona” “An-Nasr”ga jo‘nab ketgan “Inter” yarim himoyachisi Marselo Brozovichni qo‘lga kirita olmagani uchun bor e’tiborini Romeu transferiga qaratgandi.