"ПСЖ" президенти Носир ал-Хелайфи ҳужумчи Килиан Мбаппенинг жамоасини танқид қилганига жавоб берди.
Эслатиб ўтамиз, аввалроқ франциялик футболчи "ПСЖ"ни бўлинган клуб деб атаган, шунингдек, жамоа нима учун ҳалигача Чемпионлар лигасида ғалаба қозона олмаганини раҳбариятдан сўрашга ундаганди.
"Мбаппенинг "ПСЖ" ҳақида айтган сўзлари? Агар у ҳақиқатан ҳам шундай деб ўйлаётган бўлса, нега у ҳозир кетмаслиги керак?" - деди ал-Хелайфий RMC Sport билан суҳбатда.
Мбаппенинг "ПСЖ" билан шартномаси тугашига бир йил қолди, бироқ футболчи аввалроқ шартномани узайтириш ниятида эмаслигини маълум қилганди. Мадриднинг “Реал” клуби футболчини трансфер қилиш ниятида.
