Дортмунднинг "Боруссия" клуби марказий ҳимоячиси Сумаила Кулибали кейинги мавсумни ижара асосида Англиянинг "Бёрнли" клубида ўтказади, якунда англияликлар футболчини сотиб олишади. Бу ҳақда инсайдер Фабрицио Романо хабар берди.
Манба берган хабарга кўра, бугун 19 ёшли футболчи Англия Премьер-лигасида ўйнайдиган "Бёрнли" учун тиббий кўрикдан ўтади. Қайд этилишича, клублар ўтган ҳафта келишувга эришган.
Ўтган мавсумда Сумаила Кулибали асосан Германия учинчи дивизионида "Боруссия" жамоасининг ўринбосарлар жамоасида ўйнади. У ерда у 16 ўйин ўтказди.
