Марокаш терма жамоаси ва "Фиорентина" клуби ярим ҳимоячиси Софьян Амрабат Англия Премьер-лигасининг топ-клубига ўтиши мумкин.
Инсайдер Флориан Платтенберг хабарига кўра, "Манчестер Юнайтед" 26 ёшли футболчи билан шартнома имзоламоқчи. "Манкунианликлар" ярим ҳимоячининг трансфери бўйича музокараларнинг биринчи босқичини ўтказишди.
Софьян 2020 йилнинг ёзидан буён Флоренция жамоаси ўйинчиси ҳисобланади. Томонлар ўртасидаги шартнома келаси йилнинг ўрталарида тугайди. Унинг трансфер нархи 30 миллион евро.
Ўтган мавсумда Амрабат барча мусобақаларда 49 та ўйин ўтказиб, битта голга ассистентлик қилган.
