"ПСЖ" ярим ҳимоячиси Леандро Паредес "Галатасарой"га ўтиши мумкин.
L’Équipe хабарига кўра, парижликлар турк клубининг 29 ёшли аргентиналик футболчи бўйича таклифига рози бўлган. Трансфер Туркия чемпионига олти миллион еврога тушади.
Шу билан бирга, манбанинг хабар беришича, ярим ҳимоячининг ўзи ҳам унга уч йиллик меҳнат шартномасини таклиф қилган "Галатасарой"га ўтишга шошилмаяпти.
Паредес бошқа имкониятларни кўриб чиқмоқчи. Аввалроқ, ОАВда футболчига "Лацио" қизиқиш билдираётгани ҳақида маълумотлар пайдо бўлганди.
Паредеснинг "ПСЖ" билан шартномаси келаси йилнинг ўрталарига қадар амал қилади. Transfermarkt портали футболчининг нархини 12 миллион еврога баҳоламоқда.
