"PSJ" yarim himoyachisi Leandro Paredes "Galatasaroy"ga o‘tishi mumkin.

L’Équipe xabariga ko‘ra, parijliklar turk klubining 29 yoshli argentinalik futbolchi bo‘yicha taklifiga rozi bo‘lgan. Transfer Turkiya chempioniga olti million yevroga tushadi.

Shu bilan birga, manbaning xabar berishicha, yarim himoyachining o‘zi ham unga uch yillik mehnat shartnomasini taklif qilgan "Galatasaroy"ga o‘tishga shoshilmayapti.

Paredes boshqa imkoniyatlarni ko‘rib chiqmoqchi. Avvalroq, OAVda futbolchiga "Lasio" qiziqish bildirayotgani haqida ma’lumotlar paydo bo‘lgandi.

Paredesning "PSJ" bilan shartnomasi kelasi yilning o‘rtalariga qadar amal qiladi. Transfermarkt portali futbolchining narxini 12 million yevroga baholamoqda.