"ПСЖ" Бернарду Силвани сотиб олмоқчи.
Лига 1 гранди аллақачон "Манчестер Сити"га 28 ёшли португалиялик учун таклиф юборган, бироқ бу рад этилган. Бу ҳақда Daily Record хабар бермоқда.
Ўз вақтида Бернарду бошқа жамоада ўйнаш истаги ҳақида гапирмаган. Манбага кўра, португалиялик ярим ҳимоячи "Барселона" ёки Саудия Арабистони клубига эмас, балки "ПСЖ"га ўтмоқчи.
Парижда бир пайтлар Силвани "Монако"га олиб келган Луиш Кампуш футбол маслаҳатчиси бўлиб ишлайди - у билан клубнинг муносабатлари аъло даражада.
"Манчестер Сити" эса ўз навбатида Бернарду Силвани ўз сафида сақлаб қолмоқчи.
