“Саутгемптон”нинг шотландиялик ҳужумчиси Че Адамс келаси мавсумда Англия премьер-лигасида қолиши мумкин.
Журналист Алекс Крукнинг ёзишича, ҳужумчига элит дивизионнинг бир нечта клубларидан қизиқишлар ортиб бормоқда.
Қайд этилишича, Лондоннинг “Кристал Пэлас” ва “Фулхэм” клублари уни ўз сафига қўшиб олишни хоҳлайди. Мумкин бўлган трансфер суммаси тахминан 15 миллион фунтни ташкил қилади.
Эслатиб ўтамиз, Че Адамс 2019 йилдан бери "Саутгемптон"да ўйнаб келмоқда. Ўтган мавсумда у АПЛда 28 та ўйинда майдонга тушиб, 5 та гол ва 3 та голли узатмага муаллифлик қилган. Transfermarkt портали 27 ёшли форварднинг нархини 20 миллион еврога баҳоламоқда.
