“Sautgempton”ning shotlandiyalik hujumchisi Che Adams kelasi mavsumda Angliya premyer-ligasida qolishi mumkin.

Jurnalist Aleks Krukning yozishicha, hujumchiga elit divizionning bir nechta klublaridan qiziqishlar ortib bormoqda.

Qayd etilishicha, Londonning “Kristal Pelas” va “Fulxem” klublari uni o‘z safiga qo‘shib olishni xohlaydi. Mumkin bo‘lgan transfer summasi taxminan 15 million funtni tashkil qiladi.

Eslatib o‘tamiz, Che Adams 2019 yildan beri "Sautgempton"da o‘ynab kelmoqda. O‘tgan mavsumda u APLda 28 ta o‘yinda maydonga tushib, 5 ta gol va 3 ta golli uzatmaga mualliflik qilgan. Transfermarkt portali 27 yoshli forvardning narxini 20 million yevroga baholamoqda.