"Аякс" собиқ бош директори Эдвин ван дер Сарнинг рафиқаси Аннемари турмуш ўртоғининг аҳволини ошкор қилди.
“Эдвин Хорватиядан олиб келинди ва ҳозирда Нидерландияда реанимацияда. Унинг аҳволи бир хил: барқарор, ҳаёт учун хавфсиз ҳолатда.
Эдвин реанимация бўлимида қолиши керак, у ерда кейинги текширувлардан ўтади ва оиласи шундан сўнг унинг тикланишига эътибор қарата олиши мумкин", – дея Анамарининг сўзларига таянган ҳолда хабар беради клуб матбуот хизмати.
7 июль куни 52 ёшли голландиялик Хорватияда бўлиб турган пайт миясига қон қуйилиши билан касалхонага ётқизилган эди. 2023 йилнинг май ойида мутахассис "Аякс" бош директори лавозимини тарк этганди.
