"Ayaks" sobiq bosh direktori Edvin van der Sarning rafiqasi Annemari turmush o‘rtog‘ining ahvolini oshkor qildi.

“Edvin Xorvatiyadan olib kelindi va hozirda Niderlandiyada reanimasiyada. Uning ahvoli bir xil: barqaror, hayot uchun xavfsiz holatda.

Edvin reanimasiya bo‘limida qolishi kerak, u yerda keyingi tekshiruvlardan o‘tadi va oilasi shundan so‘ng uning tiklanishiga e’tibor qarata olishi mumkin", – deya Anamarining so‘zlariga tayangan holda xabar beradi klub matbuot xizmati.

7 iyul kuni 52 yoshli gollandiyalik Xorvatiyada bo‘lib turgan payt miyasiga qon quyilishi bilan kasalxonaga yotqizilgan edi. 2023 yilning may oyida mutaxassis "Ayaks" bosh direktori lavozimini tark etgandi.