"Барселона" трансфер ойнасининг қолган кунларидаги устувор мақсадларини аниқлади.

Mundo Deportivo хабарига кўра, "кўк-анорранглилар" "Манчестер Сити"нинг икки футболчиси - ўнг қанот ҳимоячиси Жоау Канселу ва ярим ҳимоячи Бернарду Силвани қўлга киритиш учун бор кучларини сарфлайди.

Ҳозирда иккала келишув ҳам мураккаб кўринади, чунки "Манчестер Сити" бу футболчиларнинг ҳар бири учун 60-70 миллион евро талаб қилмоқда.

"Барселона" молиявий инқироз шароитида бундай пулни тўлашга қурби етмайди, бироқ раҳбарият ҳали ҳам шартномалар тузиш йўлларини изламоқда.

Эслатиб ўтамиз, бу йил ёзда "Барселона" Илкай Гюндоган ва Иньиго Мартинесни эркин агент сифатида таклиф қилган эди.