"Barselona" transfer oynasining qolgan kunlaridagi ustuvor maqsadlarini aniqladi.

Mundo Deportivo xabariga ko‘ra, "ko‘k-anorranglilar" "Manchester Siti"ning ikki futbolchisi - o‘ng qanot himoyachisi Joau Kanselu va yarim himoyachi Bernardu Silvani qo‘lga kiritish uchun bor kuchlarini sarflaydi.

Hozirda ikkala kelishuv ham murakkab ko‘rinadi, chunki "Manchester Siti" bu futbolchilarning har biri uchun 60-70 million yevro talab qilmoqda.

"Barselona" moliyaviy inqiroz sharoitida bunday pulni to‘lashga qurbi yetmaydi, biroq rahbariyat hali ham shartnomalar tuzish yo‘llarini izlamoqda.

Eslatib o‘tamiz, bu yil yozda "Barselona" Ilkay Gyundogan va Inigo Martinesni erkin agent sifatida taklif qilgan edi.