Ўзбекистон ёшлар терма жамоаси эртага Вьетнам билан майдонда куч синашади. Эртанги рақибимизнинг сўнгги кунлардаги тайёргарлиги ҳақида маълумот бериб ўтамиз.

Вьетнамликлар сўнгги тайёргарлик босқичини Қатардаги Aspire академиясида ўташди ва у ерда Қатар ёшлар терма жамоаси билан ўртоқлик учрашувини ўтказиб, 1:2 ҳисобида мағлуб бўлишди. Мағлубиятга қарамай, бош мураббий шогирдларининг ушбу ўйиндаги ҳаракатларидан мамнун бўлди. Айниқса, 90 дақиқа давомида яхши ҳаракатлана олган футбочлиларнинг жисмоний ҳолати уни қаноатлантирди.

1 ноябрь куни эса улар Дубайга учиб келишди ва автобусда бир ярим соат йўл босиб, Рас ал-Хайма шаҳрига етиб келишди. Ўша куннинг ўзида бу шаҳарда машғулот ўтказишди. Ушбу машғулотда терма жамоа асосан тактикага эътибор қаратди. Бош мураббий Май Дик Чунг футболчиларга юқори талаблар қўйди. У тўпсиз фаол ҳаракат қилиш, юзага келган имкониятлардан самарали фойдаланишни сўради.

Кеча Веьтнам ёшлар терма жамоаси мусобақалар ўтадиган "Эмирейтс" стадионида машғулот ўтказишди.