"Фенербахче"га ёзда янги келган, 37 ёшли босниялик тажрибали ҳужумчи Эдин Жеко 2023/24 йилги мавсумда ўз клуби сардори бўлади. Бу ҳақда “сариқ канарейкалар” бош мураббийи Исмоил Картал малум қилди.
“Жеко - дунёга машҳур футболчи, профессионал, бошқа футболчиларга ўрнак. Клуб президенти билан қилган қароримизга кўра, у мавсум охиригача сардор бўлади", - дея Карталдан иқтибос келтиради Матч ТВ.
Эслатиб ўтамиз, Туркия Суперлигасининг сўнгги мавсумида “Фенербахче” чемпионлик учун курашда “Галатасарой”дан 8 очко ортда қолган эди. Бироқ улар 9 йил ичида биринчи марта Туркия кубогини қўлга киритди.