"Fenerbaxche"ga yozda yangi kelgan, 37 yoshli bosniyalik tajribali hujumchi Edin Jeko 2023/24 yilgi mavsumda o‘z klubi sardori bo‘ladi. Bu haqda “sariq kanareykalar” bosh murabbiyi Ismoil Kartal malum qildi.
“Jeko - dunyoga mashhur futbolchi, professional, boshqa futbolchilarga o‘rnak. Klub prezidenti bilan qilgan qarorimizga ko‘ra, u mavsum oxirigacha sardor bo‘ladi", - deya Kartaldan iqtibos keltiradi Match TV.
Eslatib o‘tamiz, Turkiya Superligasining so‘nggi mavsumida “Fenerbaxche” chempionlik uchun kurashda “Galatasaroy”dan 8 ochko ortda qolgan edi. Biroq ular 9 yil ichida birinchi marta Turkiya kubogini qo‘lga kiritdi.
