22/23 мавсум якунида "Галатасарой" ниҳоят Туркия чемпионлигини қўлга киритди. Мухлислар 4 йилдан бери ғалабани кутишганди, энди эса бунинг рўёбига гувоҳ бўлишди. Турк клубининг ғалабасида Европанинг собиқ юлдузлари қўшган ҳисса катта. Хўш, бу ерда кимларни ажратиб кўрсатиш мумкин?
Дзаньоло
Италиялик футболчи қишда “Рома”дан Туркияга кўчиб ўтганди. Унинг трансфери оммавий ахборот воситаларида кўплаб саволлар туғдирди, чунки Николо эндигина 24 ёшда, аммо йигитнинг ўйини ҳақида ҳеч қандай шикоятлар йўқ эди. "Рома" бирданига ундан қутулишни истаб қолгани ғалати, албатта. Суперлигада ўз позициясида у аллақачон энг яхшилардан бири ҳисобланади. Аввалига у дебют ўйинида ғалаба голини киритган бўлса, кейин “Фенербахче” билан дербида дубл қайд этди. Охирги 5 та гол унда борган сари ишонч уйғотди. Италияда ҳам бундай ўйин кўрсатган ҳолда мураббий билан зиддиятга келгани ачинарли.
Икарди
Европанинг яна бир энг яхши ҳужумчиларидан бири. Мауро ўтган ёзда ижара асосида "Галатасарой"га ўтган эди, бироқ бир йилдан сўнг у клуб раҳбарларини "ПСЖ"дан 10 миллион еврога сотиб олишларига кўндира олди. Бу ерда у ҳамма нарсага муносиб: аргентиналик футболчи фаолиятидаги иккинчи энг муваффақиятли мавсумни ўтказди десак ҳам бўлаверади. Гол+пас тизимида у 29 очко тўплади.
Мертенс
Бельгиялик футболчи "Наполи"даги 9 йилдан сўнг фаолиятини якунлаш учун "Галатасарой"ни танлади. Бу ерда барча шароитлар қулай: яхши маош ва оиласига учиш йўлида Неаполга парвозлар учун компенсация пуллари ҳам берилади. Дриснинг ўзи ҳам ёмон формада эмас: 36 ёшида чемпионатда 6 + 3 натижа.