Ҳимоячи Жонни Эванс “Манчестер Юнайтед” билан қисқа муддатли шартнома имзолади, деб хабар бермоқда "манкунианликлар" клуби матбуот хизмати.
Келишув 35 ёшли шимолий ирландиялик футболчига "Манчестер Юнайтед"нинг Эдинбург ва Сан-Диегода бўладиган мавсумолди ўйинларида иштирок этиш имконини беради.
Эванс "Манчестер Юнайтед" тарбияланувчиси бўлиб, у 2006 йилдан 2015 йилгача жамоада вақти-вақти билан ўйнаган ва у билан уч марта Премьер-лигада ғолиб чиққан.
Жонни ўтган мавсумни ўзи сардор бўлган "Лестер"да ўтказди. 30 июнь куни унинг “тулкилар” билан шартномаси якунига етди.
